سورج

سورج سورجی پربندھ دے وشکار اک وڈا تارہ ہے۔ سورجی پربندھ دا 99.8 ٪ جوکھ سورج دا ہے۔ ایہہ زمین دے اُتّے وسن آلی زندگی نوں گرمی اَتے چانن دیندا ہے۔ کیمیائی ول نال ایہدا تن چوتھائی حصہ ہائیڈروجن ، رہندا چوکھا ہیلیم اَتے رہندے وچ پآریاں عنصراں جیویں آکسیجن ، کاربن ، نیون اتے لوآ آندے نیں۔

سورج 4.6 ارب ورھے پہلے مالیکیولی بدلاں دے کٹھے ہوݨ تے بنیا۔ چوکھا حصہ وشکار کٹھا ہوگیا اتے ریند کھوند ایہدے دوالے اک پلیٹ وانگوں سورجی پربندھ بݨ کے گھُمن لگ گئی۔ اندرلا حصہ گرم تے کنآ ہوندا گیا۔ عام سوچ ایہہ جے پٸی دوجے تارے وی اینج ہی بنے نیں۔ تارہ ٹولی وچ ایہنوں دوجی وی منیا گیا تے ایہدی اتلی پدھر تے گرمی ناپ 5778 کیلون (5505 °C) دسدا ہے۔ سورج عام پدھر دا تارہ ہے اتے ایہدے گڑھ وچ ہائیڈروجن ہیلیم وچ پلٹدا ہے اَتے گرمی اتے چانن باہر آندے نیں۔ اپنے اندر گڑھ وچ سورج ہر سکنٹ وچ 620 ملین میٹرک ٹن ہائیڈروجن ساڑدا ہے۔