بس کہ دشوار ہے ہر کام کا آساں ہوناMirza Asadullah Khan GhalibGhazalKulliyāt-e-GhalibCardsFull poemSher 1 of 9بس کہ دشوار ہے ہر کام کا آساں ہوناآدمی کو بھی میسر نہیں انساں ہوناگریہ چاہے ہے خرابی مرے کاشانے کیدر و دیوار سے ٹپکے ہے بیاباں ہوناوائے دیوانگیٔ شوق کہ ہر دم مجھ کوآپ جانا اُدھر اور آپ ہی حیراں ہوناجلوہ از بس کہ تقاضائے نگہ کرتا ہےجوہرِ آئینہ بھی چاہے ہے مژگاں ہوناعشرتِ قتل گہِ اہل تمنا، مت پوچھعیدِ نظّارہ ہے شمشیر کا عریاں ہونالے گئے خاک میں ہم داغِ تمنائے نشاطتو ہو اور آپ بہ صد رنگِ گلستاں ہوناعشرتِ پارۂ دل، زخمِ تمنا کھانالذّتِ ریشِ جگر، غرقِ نمکداں ہوناکی مرے قتل کے بعد اس نے جفا سے توبہہائے اس زود پشیماں کا پشیماں ہوناحیف اُس چار گرہ کپڑے کی قسمت غالبؔ!جس کی قسمت میں ہو عاشق کا گریباں ہوناTap a word to look it up