رُخِ نگار سے ہے سوزِ جاودانیٔ شمعMirza Asadullah Khan GhalibGhazalKulliyāt-e-GhalibCardsFull poemSher 1 of 7رُخِ نگار سے ہے سوزِ جاودانیٔ شمعہوئی ہے آتشِ گُل آبِ زندگانیٔ شمعزبانِ اہلِ زباں میں ہے مرگِ خاموشییہ بات بزم میں روشن ہوئی زبانیٔ شمعکرے ہے صِرف بہ ایمائے شعلہ قصہ تمامبہ طرزِ اہلِ فنا ہے فسانہ خوانیٔ شمعغم اُس کو حسرتِ پروانہ کا ہے اے شعلہترے لرزنے سے ظاہر ہے ناتوانیٔ شمعترے خیال سے رُوح اہتزاز کرتی ہےبہ جلوہ ریزیٔ باد و بہ پرفشانیٔ شمعنشاطِ داغِ غمِ عشق کی بہار نہ پُوچھشگفتگی ہے شہیدِ گُلِ خزانیٔ شمعجلے ہے، دیکھ کے بالینِ یار پر مجھ کونہ کیوں ہو دل پہ مرے داغِ بدگمانیٔ شمعTap a word to look it up